June 6, 2024
నటి హేమ గత కొద్ది రోజులుగా ఈ పేరు తెలుగు సినిమా ఇండస్ట్రీలో మారుమోగుతోంది. కాగా బెంగళూరు రేవ్ పార్టీ కేసులో సినీ నటి హేమను బెంగళూరు పోలీసులు అరెస్ట్ చేసిన సంగతి తెలిసిందే. ఈ కేసులో హేమ డ్రగ్స్ తీసుకున్నట్లు నిర్ధారనైనట్లు పోలీసులు స్పష్టం చేశారు. హేమ విషయంలో పోలీసులు బయటపెట్టిన ఆధారాల ప్రకారం యాక్షన్ ఉంటుందంటూ గతంలో మా అసోసియేషన్ ప్రెసిడెంట్ మంచు విష్ణు ట్వీట్ చేసిన సంగతి తెలిసిందే.
అయితే తాజాగా హేమ అంశంపై చర్చించిన మా కమిటీ నటి హేమకు ఊహించని షాక్ ఇచ్చింది. ఇదే విషయం గురించి మా అసోసియేషన్ అధ్యక్షుడు మంచు విష్ణు అసోసియేషన్ గ్రూప్లో మంచు విష్ణు మెసేజ్ కూడా చేశారు. ఈ మేరకు హేమ సభ్యత్వం రద్దుపై అభిప్రాయాలను సేకరించిన మంచు విష్ణు.. అధిక మంది హేమను సస్పెండ్ చేయడంపై పాజిటివ్గా స్పందించినట్లు తెలిపారు. దీంతో ఆమెకు క్లీన్ చీట్ వచ్చేంత వరకు మా అసోసియేషన్లో హేమ సభ్యత్వం రద్దు చేయాలని మంచు విష్ణు కీలక నిర్ణయం తీసుకున్నారు.
దీనిపై గురువారం మా అధ్యక్షుడు విష్ణు అధికారికంగా ప్రకటించే అవకాశం ఉంది. ఈ విషయం ఇంకా ఎన్ని కీలక మలుపులు తిరుగుతుందో చూడాలి మరి. కాగా బెంగళూరు నగర శివార్లలో రేవ్పార్టీలో పాల్గొన్న దాదాపు 150 మందిని పోలీసులు అరెస్ట్ చేసిన సంగతి తెలిసిందే. ఈ కేసులో భారీ మొత్తంలో డ్రగ్స్ వినియోగించినట్లు తేలింది. ఈ పార్టీకి మాదకద్రవ్యాలు సమకూర్చారనే ఆరోపణపై ఇప్పటికే సిద్ధిక్, రణధీర్, రాజ్భావ అనే వ్యక్తులను కటకటాల వెనక్కినెట్టారు. ఇదే పార్టీకి హాజరైన నటి హేమ తొలుత తాను ఇంట్లోనే ఉన్నానని, రేవ్పార్టీలో లేనని పలు వీడియోలు విడుదల చేసింది. ఆ తర్వాత చోటు చేసుకున్న నాటకీయ పరిణామాల దృష్ట్యా నటి హేమ సీసీబీ దర్యాప్తు అధికారుల ఎదుట లొంగిపోయింది.
Read More: కల్కి మూవీ నిర్మాతకు టీటీడీ చైర్మన్ పదవిని అప్పగించారా.. ఇందులో నిజమెంత?
