June 20, 2024
Kalki 2898 AD Movie Event సినీ నటుడు ప్రభాస్ త్వరలోనే కల్కి సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమా జూన్ 27వ తేదీ విడుదల కానున్న నేపథ్యంలో ప్రమోషన్ కార్యక్రమాలను కూడా వేగవంతం చేశారు. ఇక ఈ సినిమా విడుదల తేదీ దగ్గర పడుతున్న నేపథ్యంలో ముంబైలో ఈ సినిమా ఈవెంట్ నిర్వహించారు.ఈ కార్యక్రమంలో అమితాబ్ కమల్ హాసన్ రానా ప్రభాస్ దీపికా పదుకొనే వంటి సెలెబ్రెటీలు పాల్గొని సందడి చేశారు.
ఇక ఈ సినిమాలో హీరోయిన్ గా నటించిన దీపిక ప్రస్తుతం ప్రెగ్నెంట్ అనే సంగతి మనకు తెలిసిందే. ప్రెగ్నెంట్ అనౌన్స్ చేసిన తర్వాత ఈమె బయట ఎక్కడ పెద్దగా కనిపించలేదు కానీ మొదటిసారి ఈ కార్యక్రమంలో కనిపించడంతో ఈమెకు సంబంధించిన ఫోటోలు వీడియోలు వైరల్ అవుతున్నాయి. ఇక ఈ ఫోటోలలో దీపిక బేబీ బంప్ తో కనిపించడంతో ఈ వీడియోలో వైరల్ అవుతున్నాయి.
ఇక ఈ కార్యక్రమంలో భాగంగా ఈమె ఎన్నో విషయాలను అభిమానులతో పంచుకున్నారు. ఇలాంటి ఒక గొప్ప సినిమాలో భాగం కావడం తనకు సంతోషంగా ఉందని తెలిపారు. అలాగే ఈ సినిమా షూటింగ్ సమయంలో ప్రభాస్ ఇచ్చిన ఆతిథ్యం గురించి తెలుపుతూ.. ఆయన పెట్టిన ఫుడ్ కారణంగా ఇలా మారిపోయానని సరదాగా తెలియచేశారు.
ఇక ఈ కార్యక్రమం పూర్తి అయిన తర్వాత దీపికా స్టేజ్ పైనుంచి దిగుతున్న సమయంలో ప్రభాస్ వెంటనే ఆమె చేతిని పట్టుకొని కిందకు దించారు. ప్రస్తుతం ఈ వీడియోలు వైరల్ అవుతున్నాయి. ఇలా ప్రెగ్నెంట్ అయిన దీపిక పదుకొనేకి ప్రభాస్ ఇలా సహాయం చేయడంతో ప్రభాస్ సో స్వీట్ అంటూ అభిమానులు ఈ వీడియోని మరింత వైరల్ చేస్తున్నారు. ఇక ఈ సినిమా పాన్ ఇండియా స్థాయిలో అత్యధిక థియేటర్లలో విడుదల కాబోతున్న సంగతి తెలిసిందే.