దీపావ‌ళి కానుక‌గా శివ కార్తికేయ‌న్ – అనుదీప్ `ప్రిన్స్‌`

రెమో సినిమాతో తెలుగులో కూడా మంచి ఫాలోయింగ్ ఏర్ప‌ర‌చుకున్న త‌మిళ హీరో శివ కార్తికేయ‌న్ ఇటీవ‌ల జాతి ర‌త్నాలు సినిమాతో ఘ‌న విజ‌యం సాధించిన అనుదీప్ కేవీ (Anudeep Kv) ద‌ర్శక‌త్వంలో ప్రిన్స్ అనే ప‌క్కా క‌మ‌ర్షియ‌ల్ ఎంట‌ర్టైన‌ర్ చేస్తున్నారు.

ఇప్ప‌టికే ఈ సినిమా నుండి హీరో హీరోయిన్ల ఫస్ట్ లుక్ పోస్ట‌ర్ల‌ను విడుద‌ల చేశారు. ప్ర‌స్తుతం ఈ సినిమా షూటింగ్ చివ‌రి ద‌శ‌లో ఉంది. అయితే ఈ సినిమా విడుద‌ల తేధిని ఎప్ప‌టిలాగే వినూత్నంగా ప్ర‌క‌టించాడు ద‌ర్శ‌కుడు అనుదీప్‌.

ఈ సంద‌ర్భంగా విడుద‌ల చేసిన వీడియోలో శివకార్తికేయన్, అనుదీప్ సినిమా ఆలస్యానికి సత్యరాజ్‌ను నిందించారు. అయితే సత్యరాజ్ ఎంటరైన తర్వాత ఒక్కసారిగా సైలెంట్ అయ్యారు. తర్వాత హీరోయిన్ మారియా వచ్చి వారితో మాట కలిపింది.

తెలుగు, తమిళం, ఇంగ్లీష్ భాషలలో ఈ సంభాషణ జరుగుతుంది. చివరిగా.. ఈ దీపావళికి ‘ప్రిన్స్’ చిత్రాన్ని విడుదల(Prince Movie Releasing on this Diwali) చేస్తున్నట్లు ప్రకటించారు.

ఎస్ ఎస్ థమన్ సంగీతం అందిస్తున్న ఈ చిత్రానికి మనోజ్ పరమహంస సినిమాటోగ్రాఫర్. సునీల్ నారంగ్, డి.సురేష్ బాబు, పుస్కుర్ రామ్ మోహన్ రావు సంయుక్తంగా శ్రీ వెంకటేశ్వర సినిమాస్ ఎల్ ఎల్ పి, సురేష్ ప్రొడక్షన్స్, శాంతి టాకీస్ బ్యానర్లపై ఈ చిత్రాన్ని నిర్మిస్తున్నారు.

Prince Movie Releasing on this Diwali:Read More: Victor Venkatesh Latest Photos