అల్లు అర్జున్ అరెస్ట్‌పై సీఎం రేవంత్ రెడ్డి ఏమ‌న్నారంటే?

పుష్ప‌2 సినిమా ప్రీమియ‌ర్ షో సంద‌ర్భంగా హైద‌రాబాద్ సంధ్య థియేటర్ లో జ‌రిగిన తొక్కిసలాట ఘటనలో సినీ హీరో అల్లు అర్జున్‌ని చిక్కడపల్లి పోలీసులు ఈ రోజు ఉద‌యం అరెస్ట్‌ చేశారు. ఈ క్రమంలో అల్లు అర్జున్‌పై నాలుగు సెక్షన్ల కింద కేసు నమోదు చేశార‌ని తెలుస్తోంది. 105, 118(1), రెడ్‌ విత్‌ 3/5 BNS సెక్షన్ల కింద కేసు పెట్టగా 105 సెక్షన్‌ నాన్‌బెయిలబుల్ కేసు కాగా 5 నుంచి 10 ఏళ్లు జైలు శిక్ష పడే అవకాశం ఉంది. BNS 118(1) కింద ఏడాది నుంచి పదేళ్ల శిక్ష పడే అవకాశం ఉందని అంటున్నారు. ఇక గాంధీ ఆస్పత్రికి అల్లు అర్జున్‌ ను తరలించి గాంధీ ఆస్పత్రిలో అల్లు అర్జున్‌కు వైద్య పరీక్షలు నిర్వహించారు. అల్లుఅర్జున్‌కు వైద్య పరీక్షలు ముగిసిన అనంతరం నాంపల్లి కోర్డుకు తరలించారు.

ఇక ప్ర‌స్తుతం ఢిల్లీ ప‌ర్య‌ట‌న‌లో ఉన్న సీఎం రేవంత్‌ రెడ్డి అల్లుఅర్జున్‌ అరెస్ట్‌ వ్యవహారంపై స్పందించారు. చట్టం తనపని తాను చేసుకుపోతుందని, ఇందులో త‌న‌ జోక్యం ఏమీ ఉండద‌ని.. చట్టం ముందు అంతా సమానమే అంటూ కామెంట్ చేశారు. తొక్కిసలాటలో ఒకరు చనిపోయిన నేపథ్యంలో పోలీసులు చర్యలు తీసుకుంటున్నారని ఆయన అన్నారు. ప్ర‌స్తుతం ఈ వాఖ్య‌లు వైర‌ల్ అవుతున్నాయి.