రౌడీబాయ్స్‌కు ఎన్టీఆర్‌ సపోర్ట్‌

January 9, 2022

రౌడీబాయ్స్‌కు ఎన్టీఆర్‌ సపోర్ట్‌
ప్రముఖ నిర్మాత ‘దిల్‌’ రాజు సోదరుడు, నిర్మాత శిరీష్‌ రెడ్డి తనయుడు ఆశిష్‌రెడ్డి హీరోగా పరిచయం అవుతున్న తొలి చిత్రం ‘రౌడీబాయ్స్‌’. ‘హుషారు’ ఫేమ్‌ హర్ష కొనుగంటి దర్శకత్వంలో రూపొందిన ఈ చిత్రం ఈ నెల 14న విడుదల కానుంది. ఈ సందర్భంగా యంగ్‌ టైగర్‌ ఎన్టీఆర్‌ రౌడీబాయ్స్‌ ట్రైలర్‌ను విడుదల చేసి చిత్రంయూనిట్‌కు ఆల్‌ ది బెస్ట్‌ చెప్పారు. అనంతరం

NTR యంగ్‌ టైగర్‌ ఎన్టీఆర్‌ మాట్లాడుతూ ‘‘ ఆది’ సినిమా సమయంలో దిల్‌ రాజుగారితో, శిరీష్‌గారితో అసోషియేషన్‌ ఏర్పడింది. మా శిరీషన్న కొడుకు, సోదర సమానుడు ఆశిష్‌తో అప్పటి వరకు పరిచయం లేదు. ఇప్పుడు తను రౌడీ బాయ్స్‌ చిత్రంతో హీరోగా పరిచయం అవుతున్నాడు. తన సినిమా ట్రైలర్‌ను నేను రిలీజ్‌ చేయడం ఎంతో ఆనందంగా ఉంది. ఈ సందర్భంగా రాజుగారితో, శిరీష్‌గారితో ఉండే జర్నీని గుర్తు చేసుకున్నట్లు అయ్యింది. రౌడీ బాయ్స్‌ ట్రైలర్‌ను లాంచ్‌ చేసే అవకాశం ఇచ్చినందుకు వారికి ఈ సందర్భంగా థాంక్స్‌ చెప్పుకుంటున్నాను. ఆశిష్‌కి, డైరెక్టర్‌ శ్రీహర్షకి అభినందనలు. ఆశిష్‌ గురించి మాట్లాడితే మా ఇంట్లో వ్యక్తి గురించి నేను మాట్లాడుకుంటున్నట్లు ఉంటుంది. ఆశిష్‌ ఎన్నో మంచి మంచి చిత్రాల్లో తను భాగం కావాలని ఆ దేవుడ్ని కోరుకుంటున్నాను. రౌడీ బాయ్స్‌ సినిమా ఘన విజయం సాధించాలని కోవిడ్‌ సమయంలో విడుదలవుతున్న రౌడీ బాయ్స్‌ మంచి చిత్రంగా మనకు గుర్తుండిపోవాలనుని కోరుకుంటున్నాను. ప్రేమ దేశం చూసిన ఎగ్జయిట్‌మెంట్‌ వచ్చింది. నాకే కాదు. మీ అందరికీ కూడా అలాంటి ఎగ్జయిట్‌మెంట్‌ కలుగుతుందని మనసారా నమ్ముతున్నాను. వైవిధ్యమైన సినిమాలను, మంచి సినిమలను ఆదరించే మన తెలుగు ప్రేక్షకులు కొత్త టాలెంట్‌ను ఎంకరేజ్‌ చేస్తారనే నమ్మకం ఉంది. కోవిడ్‌ నిబంధనలు పాటిస్తూ సినిమాను థియేటర్స్‌లోనే చూసి సినిమాకు ఘన విజయాన్ని అందించాలని కోరుకుంటున్నాను’’ అన్నారు.

నిర్మాతలు దిల్‌ రాజు, శిరీష్‌ మాట్లాడుతూ ‘‘మా ‘రౌడీ బాయ్స్‌’ ట్రైలర్‌ను విడుదల చేసి యూనిట్‌కు అభినందనలు తెలియజేసిన మా యంగ్‌ టైగర్‌ ఎన్టీఆర్‌గారికి థాంక్స్‌. ఈ సంక్రాంతి సందర్భంగా జనవరి 14న ‘రౌడీ బాయ్స్‌’ సినిమాను థియేటర్స్‌లో విడుదల చేస్తున్నాం. యూత్‌ సహా అన్ని వర్గాలకు నచ్చే ఎంటర్‌టైనర్‌ ఇది. విక్రమ్‌ కీలక పాత్రలో నటించిన ఈ చిత్రంలో అనుపమ పరమేశ్వరన్‌ హీరోయిన్‌ రౌడీబాయ్స్‌కు ఎన్టీఆర్‌ సపోర్ట్‌ గా నటించింది. ఇప్పటి వరకు విడుదలైన పాటలకు, టీజర్‌కు మంచి స్పందన వచ్చింది. సంక్రాంతికి విడుదలవుతున్న సినిమాను కూడా ప్రేక్షకులు ఆశీర్వదిస్తారనే నమ్మకం ఉంది’’ అన్నారు.

Readmoreఒకే రోజు నాలుగు సినిమాలు..బంగార్రాజుకు పోటీగా ఆ మూడు చిత్రాలు

ట్రెండింగ్ వార్తలు