January 25, 2024
హీరో నితిన్‌కి హిట్టుప‌డి చాలా కాల‌మే అయింది. రీసెంట్‌గా విడుద‌లైన ఎక్స్‌ట్రాఆర్డిన‌రీమేన్ పై చాలా ఆశ‌లు పెట్టుకున్నాడు నితిన్.. కానీ వ‌క్కంతం వంశీ ద‌ర్శ‌క‌త్వంలో వ‌చ్చిన ఈ సినిమా డిజాస్ట‌ర్ గా నిలిచింది. దాంతో మ‌రోసారి స్క్రిప్టుల ప‌రిశీల‌న‌లో ప‌డ్డాడు నితిన్..
ప్ర‌స్తుతం నితిన్ ఆశ‌లు అన్నీ త‌న‌కు భీష్మ‌తో త‌న‌కు విజ‌యాన్ని అందించిన వెంకీ కుడుముల మీద పెట్టుకున్నాడు. మైత్రి మూవీస్ ఈ చిత్రాన్ని తెర‌కెక్కిస్తుంది. జి. వి. ప్రకాష్ స్వ‌రాలు స‌మ‌కూరుస్తున్నారు. ఈ సినిమాకు రాబిన్ హుడ్ అనే టైటిల్ ను ప‌రిశీలిస్తున్నారు.. నితిన్, ఇలియాన జంట‌గా న‌టించిన రెచ్చిపో సినిమాని హిందీలో ఆజ్ కా రాబిన్ హుడ్ అనే పేరుతో డ‌బ్ చేసి విడుద‌ల చేశారు.. ఇప్పుడు ఆ టైటిల్ కలిసి వ‌చ్చేలా రాబిన్ హుడ్ అనే టైటిల్ ఫిక్స్ చేశార‌ని తెలుస్తోంది.
ఔట్ అండ్ ఔట్ ఎంట‌ర్‌టైన్మెంట్ జోన‌ర్‌కి కాస్త యాక్ష‌న్ ట‌చ్ ఇచ్చి ఈ స్క్రిప్ట్ రెడీ చేశారంట వెంకీ కుడుముల. ప్ర‌స్తుతం ఈ సినిమాపై గంపెడు ఆశ‌లు పెట్టుకున్నాడు నితిన్.. ఛ‌లో, భీష్మ వంటి హిట్ చిత్రాల త‌ర్వాత వెంకీ కుడుముల ద‌ర్శ‌క‌త్వంలో వ‌స్తోన్న సినిమా కాబ‌ట్టి ఈ సినిమాపై ఓ మోస్తారు అంచ‌నాలు ఉన్నాయి.
మొద‌టి భీష్మ టీమ్ అయిన నితిన్, ర‌ష్మిక, వెంకీ కుడుముల కలిసి ఈ సినిమా చేస్తున్నారు అని ప్ర‌క‌టించారు. ఇప్పుడు ఈ సినిమా నుండి ర‌ష్మిక త‌ప్పుకుంది. ఆమె త‌ర్వాత శ్రీ‌ల‌ల‌ను హీరోయిన్ అనుకున్నారు, కాని ఎక్స్‌ట్రాఆర్డిన‌రీమేన్ డిజాస్ట‌ర్ గా నిల‌వ‌డంతో మ‌రో హీరోయిన్‌ని వెతుక్కునే పనిలో ప‌డిందంట టీమ్..రీసెంట్‌గా ఓ హిట్ సినిమాలో న‌టించిన యంగ్ హీరోయిన్ తో సంప్ర‌దింపులు జ‌రుపుతున్నారు.
Read More: చెల్లెలి పెళ్లిల‌లో ప్ర‌మ‌ఖ తార‌లు..
