March 20, 2024
మెగా పవర్ స్టార్ రామ్ చరణ్ తేజ్ ప్రస్తుతం శంకర్ దర్శకత్వంలో సినిమా చేస్తున్న సంగతి మనకు తెలిసిందే. ఈ సినిమా దాదాపు చివరి దశ షూటింగ్ పనులను జరుపుకుంటుంది .ఇక ఈ సినిమా తర్వాత రామ్ చరణ్ తన 16వ సినిమాని బుచ్చిబాబు సానా దర్శకత్వంలో చేయబోతున్న నేపథ్యంలో ఇటీవల ఈ సినిమా పూజా కార్యక్రమాలను ప్రారంభించారు.
నేడు హైదరాబాద్ లో ఎంతో ఘనంగా అతిరథ మహారథుల సమక్షంలో ఈ సినిమా పూజా కార్యక్రమాలు జరిగాయి. హైదరాబాద్లో ప్రత్యేకంగా ఒక సెట్ ఏర్పాటు చేసి ఈ పూజ కార్యక్రమాలను నిర్వహించారు. ఈ కార్యక్రమంలో భాగంగా ఎంతో మంది స్టార్ సినీ సెలబ్రిటీలు ముఖ్య అతిథులుగా హాజరై సందడి చేశారు.
ఇక ఈ సినిమాలో హీరోయిన్గా జాన్వి కపూర్ నటిస్తున్న విషయం తెలిసిందే. ఈమెతో పాటు ఈమె తండ్రి బోని కపూర్ కూడా హాజరయ్యారు. ఇక రామ్ చరణ్ ఆయన సతీమణి ఉపాసన కూడా ఈ పూజా కార్యక్రమాలలో పాల్గొన్నారు. ఇక మెగాస్టార్ చిరంజీవి ముఖ్య అతిథిగా హాజరయి క్లాప్ కొట్టారు. ఇక ఈ సినిమా దర్శకుడు బుచ్చిబాబు సాక్షాత్తు సుకుమార్ శిష్యులు కావడంతో ఈ పూజా కార్యక్రమాలలో సుకుమార్ కూడా పాల్గొన్నారు.
ప్రస్తుతం శంకర్ దర్శకత్వంలో రామ్ చరణ్ సినిమా చేస్తున్నటువంటి నేపథ్యంలో శంకర్ సైతం ఈ వేడుకలలో సందడి చేశారు. ఇక ఈ కాంబినేషన్లో ప్రేక్షకుల ముందుకు రాబోతున్నటువంటి ఈ సినిమాకు ఏఆర్ రెహమాన్ సంగీతం అందించగా మైత్రి మూవీ మేకర్స్ వారు భారీ బడ్జెట్ సినిమాగా ఈ చిత్రాన్ని ప్రేక్షకుల ముందుకు తీసుకువస్తున్నారు. ఇక ఈ పూజ కార్యక్రమాలలో ఏఆర్ రెహమాన్ కూడా సందడి చేశారు.
Read More: ఏడు విభిన్న పాత్రలలో సందడి చేయనున్న మంచు లక్ష్మి?
