ఒకే రోజు ఓటీటీలో మూడు సినిమాలు

ప్రస్తుతం పరిస్థితుల్లో థియేటర్‌లో విడుదలై 40 రోజులు గడవక ముందే సినిమాలు ఓటీటీలో స్ట్రీమింగ్‌ అవుతున్నాయి. శ్రీవిష్ణు హీరోగా నటించిన ‘అర్జున ఫల్గుణ’ చిత్రం డిసెంబరు 31న విడుదలైంది. అయితే ఈ సినిమాను ఈ నెల 21న ఓటీటీలో స్ట్రీమింగ్‌ అయ్యేలా సన్నాహాలు చేస్తున్నారని తెలిసింది. ఇక ఇదే రోజున నాని శ్యామ్‌సింగరాయ్, బాలకృష్ణ అఖండ చిత్రాలు ఓటీటీలో విడుదల కానున్నాయి. జనవరి 21న శుక్రవారం. కానీ ఆ రోజు థియేటర్స్‌లో చెప్పుకోదగ్గ సినిమాలు విడుదల కావడం లేదు. దీంతో సినిమాల స్ట్రీమింగ్‌కు జనవరి 21 అయితేనే బాగుంటుంది ఆయా స్ట్రీమింగ్‌ సంస్థలు ఆలోచిస్తున్నట్లు తెలుస్తోంది.