February 28, 2024
ప్రముఖ నిర్మాత దిల్ రాజు సోదరుడు శిరీష్ కొడుకుగా రౌడీ బాయ్స్ సినిమాతో ఇండస్ట్రీలో అడుగు పెట్టాడు హీరో ఆశిష్ రెడ్డి. ఈ సినిమా ఆశించినంత సక్సెస్ రాలేకపోయినప్పటికి ఆశిష్ నటన మాత్రం అందర్నీ ఆకట్టుకుంది. ఆ తర్వాత సెల్ఫిష్ అనే సినిమాని మొదలు పెట్టాడు ఆశిష్. అయితే సినిమా మొదలుపెట్టి రెండు సంవత్సరాలు అయినా ఆ సినిమా గురించి ఎలాంటి అప్డేట్స్ బయటికి రావడం లేదు.
ఇప్పుడు లవ్ మీ అనే టైటిల్ తో మరో సినిమాలో హీరోగా నటిస్తున్నారు ఆశిష్ రెడ్డి. బేబీ ఫేమ్ వైష్ణవి చైతన్య ఈ సినిమాలో హీరోయిన్ గా నటిస్తుంది. దర్శకుడు అరుణ్ భీమవరపు తో సినిమాను అనౌన్స్ చేశారు. ఇఫ్ యు డేర్ అనేది ఉప శీర్షిక. ఈ సందర్భంగా మేకర్స్ సినిమా టైటిల్ మరియు ఫస్ట్ లుక్ మోషన్ పోస్టర్ను కూడా మంగళవారం అధికారికంగా రిలీజ్ చేశారు. పోస్టర్ ని చూస్తుంటే హీరో దెయ్యంతో ప్రేమలో పడతాడు అనిపిస్తుంది.
పోస్టర్ లో కూడా అదే విషయాన్ని మెన్షన్ చేశారు మేకర్స్. ఈ సినిమా ఆగస్టు 2023లో అధికారికంగా ప్రారంభించబడింది. ఈ సినిమా యొక్క ప్రాథమిక తారాగణం గురించి మరిన్ని వివరాలు త్వరలోనే వెలువడే అవకాశం ఉంది. హన్సితా రెడ్డి, హర్షిత్ రెడ్డి, నాగ మల్లిండి నిర్మించిన ఈ రొమాంటిక్ థ్రిల్లర్ కి నవల రచయితగా మారిన చిత్ర నిర్మాత అరుణ్ భీమవరపు దర్శకత్వం వహిస్తున్నారు.
ఇక ఈ సినిమాకి ఎం ఎం కీరవాణి సంగీతం అందిస్తుండగా ప్రముఖ సినిమాటోగ్రాఫర్ గా పిసి శ్రీరామ్ వర్క్ చేస్తున్నారు. దీంతో ఈ సినిమాపై ఇప్పటినుంచే అంచనాలు పీక్స్ కి చేరుకుంటున్నాయి. ఇక హీరో ఆశిష్ ఈ మధ్యనే పెళ్లి చేసుకొని ఒక ఇంటివాడివైనా సంగతి తెలిసిందే. అయితే మోషన్ పోస్టర్ చూసిన నెటిజన్స్ కొత్త పెళ్లికొడుకు దెయ్యంతో ప్రేమలో పడ్డాడు అంటూ కామెంట్స్ చేస్తున్నారు.
Read More: లండన్ లో ఇంటిని అద్దెకు తీసుకున్న ప్రభాస్.. నెల రెంట్ ఎంతో తెలిస్తే షాక్ అవ్వాల్సిందే!
