గోవాలో దేవర… కొత్త షెడ్యూల్ చిత్రీకరణ ప్రారంభం!

యంగ్ టైగర్ ఎన్టీఆర్ ప్రస్తుతం వరుస సినిమాలలో నటిస్తూ ఎంతో బిజీగా ఉన్నారు. ఈయన తాజాగా కొరటాల శివ దర్శకత్వం తెరకెక్కుతూ ఉన్నటువంటి దేవర సినిమాలో నటిస్తున్న సంగతి తెలిసిందే. ఈ సినిమా పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతుంది.. ఇక ఈ సినిమా ఏప్రిల్ 5వ తేదీ విడుదల కావాల్సి ఉండగా కొన్ని కారణాలవల్ల షూటింగ్ ఆలస్యం కావడంతో విడుదల తేదీని వాయిదా వేసుకున్నారు.

రెండు భాగాలుగా ఈ సినిమా ప్రేక్షకుల ముందుకు రాబోతున్న సంగతి మనకు తెలిసిందే. అయితే మొదటి భాగం శర వేగంగా షూటింగ్ పనులను పూర్తి చేయాలన్న ఉద్దేశంతో ఏమాత్రం సమయం వృధా చేయకుండా చిత్ర బృందం వరుస షెడ్యూల్ చిత్రీకరణ పనులలో ఎంతో బిజీగా గడుపుతున్నారు. ఈ క్రమంలోనే కొత్త షెడ్యూల్ చిత్రీకరణ కోసం చిత్ర బృందం గోవా వెళ్లారని తెలుస్తుంది.

ఇలా దేవర గోవాకు పయనం అవుతూ ఇటీవల ఎయిర్ పోర్ట్ లో సందడి చేయగా అందుకు సంబంధించినటువంటి ఫోటోలు కూడా సోషల్ మీడియాలో వైరల్ అవుతున్నాయి. నేటినుంచి ఈ కొత్త షెడ్యూల్ చిత్రీకరణ షూటింగ్ పనులను ప్రారంభించుకుంది దీంతో సోమవారమే చిత్ర బృందం గోవా చేరుకున్నారు.

ఈ షెడ్యూల్ చిత్రీకరణ దాదాపు పది రోజుల పాటు ఉంటుందని తెలుస్తుంది. ఈ పది రోజులపాటు ఎన్టీఆర్ గోవాలోనే ఉండబోతున్నారు. ఇక ఈ సినిమాలో శ్రీదేవి కుమార్తె జాన్వీ కపూర్ హీరోయిన్గా నటించిన సంగతి మనకు తెలిసిందే .అంతేకాకుండా బాలీవుడ్ నటుడు సైఫ్ అలీ ఖాన్ ఈ సినిమాలో విలన్ పాత్రలో నటిస్తున్నారు. ఇక ఈ సినిమా పాన్ ఇండియా స్థాయిలో ప్రేక్షకుల ముందుకు రాబోతుంది.

Read More: Magadheera Re Release: మళ్లీ ప్రేక్షకుల ముందుకు రాబోతున్న మగధీర.. ప్రేమికుడు.. ఎప్పుడంటే?