February 22, 2022
బాలకృష్ణ హీరోగా గోపీచంద్ మలినేని దర్శకత్వంలో ఓ సినిమా రూపొందుతోన్న సంగతి తెలిసిందే. మైత్రీమూవీమేకర్స్ నిర్మిస్తున్న #NBK107 సినిమా ఫస్ట్లుక్ను విడుదల చేశారు. అయితే ఈ లుక్ అచ్చు నార్తన్ దర్శకత్వంలో వచ్చిన కన్నడ చిత్రం ‘మఫ్తీ’లోని ఒక హీరో శివరాజ్కుమార్లుక్ను పోలీఉంది. దీంతో బాలకృష్ణలుక్ అచ్చు అలానే ఉందని, అయితే #NBK107 మఫ్తీకి తెలుగు రీమేకా? అని అను మానాలను లేవనెత్తున్నారు నెటిజన్లు. నిజానికి ఈ సినిమాలోని బాలకృష్ణ ఫస్ట్లుక్ ఇంత తొందరగా విడు దల చేయాలని మేకర్స్ భావించలేదు. కానీ షూటింగ్ లొకేషన్ స్పాట్ నుంచి బాలకృష్ణలుక్ రివీలై నెట్టిం ట్లో వైరల్ కావడంతో ఫస్ట్లుక్ను మేకర్స్ విడుదల చేయకతప్పలేదు.
ఇక గోపీచంద్ మలినేని దర్శకత్వంలో బాలకృష్ణ హీరోగా నటిస్తున్న ఈ చిత్రంలో శ్రుతీహాసన్ హీరోయిన్. దునియా విజయ్, వరలక్ష్మీ శరత్కుమార్ కీలక పాత్రధారులు. ప్రస్తుతం ఈ సినిమా షూటింగ్ తెలంగాణ లోని సిరిసిల్లలో జరుగుతోంది. యాక్షన్ సీన్స్ తీస్తున్నారు. ఈ సినిమాను ఈ ఏడాది చివర్లో లేదా వచ్చే ఏడాది సంక్రాంతికి విడుదల చేయాలనే ఆలోచనలో ఉన్నారు చిత్రయూనిట్.
