March 27, 2024
మెగా పవర్ స్టార్ రామ్ చరణ్ తేజ్ ప్రస్తుతం శంకర్ దర్శకత్వంలో గేమ్ ఛేంజర్ అనే సినిమాలో నటిస్తున్న సంగతి మనకు తెలిసిందే. దిల్ రాజు నిర్మాణంలో అత్యంత భారీ బడ్జెట్ సినిమాగా ఈ చిత్రం ప్రేక్షకుల ముందుకు రాబోతుంది. ఇక ఈ సినిమాకు శంకర్ దర్శకత్వం వహిస్తున్నటువంటి తరుణంలో ఈ సినిమాపై భారీ స్థాయిలో అంచనాలు ఏర్పడ్డాయి. ఈ సినిమా పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతోంది.
ఈ సినిమా ప్రస్తుతం షూటింగ్ గా పనులను శర వేగంగా జరుపుకుంటున్నారు. ఇదిలా ఉండగా ఈ సినిమా నుంచి తాజాగా ఫస్ట్ సింగిల్ ప్రేక్షకుల ముందుకు వచ్చింది. నేడు రామ్ చరణ్ పుట్టినరోజు కావడంతో ఈ సినిమాకు సంబంధించిన అప్డేట్ విడుదల చేశారు. నిజానికి ఈ సినిమా నుంచి ఈ సాంగ్ ఎప్పుడో విడుదల కావాల్సి ఉండగా తరచూ వాయిదా పడుతూ వస్తుంది. ఈ క్రమంలోనే చరణ్ పుట్టినరోజు సందర్భంగా జరగండి జరగండి అని ఫస్ట్ సింగిల్ విడుదల చేశారు.
ఈ పాట ప్రస్తుతం సోషల్ మీడియాలో వైరల్ గా మారింది. ఇందులో భాగంగా రామ్ చరణ్ ఎంతో అద్భుతంగా కనిపించడమే కాకుండా శంకర్ విజువల్స్ ఎంతో చక్కగా ఉన్నాయి. అనంత శ్రీరామ్ రాసినటువంటి ఈ పాటకు ఎస్ఎస్ తమన్ మ్యూజిక్ అదిరిపోయిందని చెప్పాలి. ఇక ఈ సాంగ్ చూడటానికి ఎంతో కనువిందుగా వినసొంపుగా ఉంది. ఇలా ఈ సినిమా నుంచి అప్డేట్ రావడంతో చరణ్ ఫాన్స్ ఎంతో సంతోషం వ్యక్తం చేస్తున్నారు. ఇక చరణ్ పుట్టినరోజు కావడంతో అభిమానులు పెద్ద ఎత్తున చరణ్ కు పుట్టినరోజు శుభాకాంక్షలు తెలియజేస్తూ సోషల్ మీడియాలో పోస్టులు చేస్తున్నారు.
Read More: కారులో ఆ బోల్డ్ సీన్ చేయటం చాలా ఇబ్బందిగా.. అనుపమ కామెంట్స్ వైరల్!
