March 7, 2024
ప్రస్తుతం గామి సినిమా మానియా నడుస్తోంది. ఎక్కడ చూసినా, ఎవరి నోట విన్నా ఈ సినిమా గురించిన ప్రస్తావనే జరుగుతుంది. అద్భుతమైన విజువల్స్ తో ట్రైలర్ ఉండటంతో ఈ సినిమా టాక్ ఆఫ్ ది టౌన్ అయింది. టేకింగ్, విఎఫ్ఎక్స్, హీరో విశ్వక్ సేన్ యాక్టింగ్ అన్ని ట్రైలర్ లో చాలా బాగా ఆకట్టుకోవడంతో సినిమాపై అంచనాలు భారీగా పెరిగాయి. ఇప్పటికే ఈ సినిమాపై రెబల్ స్టార్ ప్రభాస్. దర్శకులు నాగ అశ్విన్, సందీప్ రెడ్డివంగా వంటి వారు ప్రశంసల వర్షం కురిపించారు.
ఇప్పుడు దర్శక ధీరుడు రాజమౌళి కూడా ఈ చిత్రాన్ని తెగ మెచ్చుకుంటున్నారు. తన ఇంస్టాగ్రామ్ ఖాతాలో రాజమౌళి ఈ విధంగా రాసుకొచ్చారు. అసాధ్యమైన కలలు.. కానీ వాటిని సహకారం చేసుకునేందుకు అలుపెరగకుండా కష్టపడ్డారు.అద్భుతమైన విజువల్స్ సాధించేందుకు తాము పడిన నాలుగేళ్ల కష్టాన్ని నిర్మాత కార్తీక్, దర్శకుడు విద్యాధర్ చెప్పినప్పుడు నాకు కలిగిన భావన ఇది.
మార్చి 8న ఈ సినిమా రిలీజ్ కాబోతున్న సందర్భంగా మూవీ టీం మొత్తానికి బెస్ట్ విషెస్ చెప్తున్నాను అని పేర్కొన్నారు. రాజమౌళి ప్రశంసలు సినిమా పై అంచనాలను అమాంతం పెంచేసాయి.ఈ సినిమా కోసం దర్శకుడు విద్యాధర్ ఐదేళ్లుగా పనిచేస్తున్నారు. ఈ చిత్రం కోసం ఎంతో పరిశోధన చేసినట్లు తెలిపారు. మంచి అవుట్ పుట్ ఇవ్వడం కోసం, తక్కువ బడ్జెట్లో చేయటం కోసం ఎక్కువ సమయం తీసుకుంది గామి టీం. ఈ నగరానికి ఏమైంది సినిమా ముందు నుంచే గామి చేస్తున్నారు హీరో విశ్వక్ సేన్.
ఈ సినిమాలో అఘోర పాత్ర చేస్తున్నారు విశ్వక్ సేన్. మానవుల స్పర్శతో తనకున్న సమస్యను పరిష్కరించుకోవటానికి హిమాలయాల్లోని త్రివేణి ఘాట్ వద్దకు సాహసోపతమైన ప్రయాణాన్ని చేయడం గురించే గామి మూవీ ఉండబోతుంది. ఈ సినిమాని చాలా శాతం హిమాలయాల్లోనే చిత్రీకరించారు.ఈ సినిమాకి విశ్వనాథరెడ్డి సినిమాటోగ్రఫీ చేయగా నరేష్ కుమారన్ సంగీతం అందించారు. కార్తీక్ శబరీష్ సినిమాని నిర్మించగా, వీ సెల్యులాయిడ్స్ సమర్పిస్తోంది.
Read More: బాలీవుడ్ కొమ్ములు విరిసిన ఈ దర్శకుడు .. ఎవరో గుర్తుపట్టారా!
