May 9, 2024
ప్రస్తుతం రీ రిలీజ్ ట్రెండ్ కొనసాగుతున్న సంగతి మనకు తెలిసిందే. ఇప్పటికే ఎంతోమంది స్టార్ హీరోలు సినిమాలు తిరిగి ప్రేక్షకుల ముందుకు వచ్చి అద్భుతమైనటువంటి ఆదరణ సొంతం చేసుకున్నాయి. ఈ క్రమంలోనే మరో స్టార్ హీరో అయినటువంటి విక్రమ్ నటించిన సినిమా కూడా విడుదలకు సిద్ధమవుతుంది. నటుడు విక్రమ్ ఎన్నో విభిన్న కథా చిత్రాలను ఎంపిక చేసుకొని ప్రేక్షకుల ముందుకు వస్తూ ఉంటారు.
ఈ క్రమంలోనే 2005వ సంవత్సరంలో ఈయన డైరెక్టర్ శంకర్ దర్శకత్వంలో నటించినటువంటి సూపర్ హిట్ చిత్రం అపరిచితుడు ఈ సినిమాలో మూడు విభిన్న పాత్రలలో విక్రమ్ తన నటనతో ప్రేక్షకులను మెప్పించారు. ఇందులో సదా హీరోయిన్గా నటించారు. 2005 వ సంవత్సరంలో ప్రేక్షకుల ముందుకు వచ్చి బ్లాక్ బాస్టర్ అందుకున్నటువంటి ఈ సినిమా తిరిగి విడుదలకు సిద్ధమవుతోంది.
ఈ క్రమంలోనే ఈ సినిమా రీ రిలీజ్ కి సంబంధించిన పోస్టర్ ప్రస్తుతం వైరల్ అవుతుంది. ఈ సినిమా మే 17వ తేదీ 2024 న తిరిగి ప్రేక్షకుల ముందుకు రాబోతుందని తెలుస్తోంది. సదా హీరోయిన్ గా నటించిన ఈ సినిమాలో ప్రకాష్ రాజ్, వివేక్, నాజర్, కొచ్చిన్ హనీఫా, నేదురుమూడి వేణు కీలక పాత్రల్లో నటించారు. ఆస్కార్ ఫిల్మ్స్ పతాకంపై వి.రవిచంద్రన్ నిర్మించిన ఈ చిత్రానికి హారిస్ జయరాజ్ సంగీతం అందించారు.
