March 29, 2024
సినిమా ఇండస్ట్రీలో తనకంటూ ప్రత్యేకమైన ఫాలోయింగ్ క్రియేట్ చేసుకున్న తమిళ దర్శకుడు లోకేష్ కనకరాజ్.ఇటీవలే విజయ్ తలపతి తో ఆయన తీసిన లియో సినిమా ఏకంగా 600 కోట్లకు పైగా వసూళ్లు రాబట్టి సరికొత్త రికార్డు క్రియేట్ చేసింది. ఈ సినిమా తర్వాత సూపర్ స్టార్ రజినీకాంత్ ఒక సినిమా చేస్తున్నాడు కనగరాజ్. తలైవర్ 171 వర్కింగ్ టైటిల్ తో వస్తున్న ఈ సినిమా ప్రస్తుతం ప్రీ ప్రొడక్షన్ పనులలో బిజీగా ఉంది.
ఈ మూవీ నుంచి రజినీకాంత్ ఫస్ట్ లుక్ పోస్టర్ ని లోకేష్ కనగరాజ్ తన ఎక్స్ వేదికగా రిలీజ్ చేశాడు. ఈ పోస్టర్లో రజనీకాంత్ లగ్జరీ వాచీలు దొంగతనం చేసే దొంగలా కనిపిస్తున్నాడు. పోస్టర్ లో లగ్జరీ వాచ్లను బేడీలుగా చేతికి కట్టేసిన స్టిల్ లో 1980 ల నాటి వింటేజ్ తరహాలో రజనీకాంత్ లుక్ అదిరిపోయింది.
ఇక ఈ సినిమా టైటిల్ ను, టీజర్ ను ఏప్రిల్ 22వ తారీఖున రిలీజ్ చేయబోతున్నట్లు లోకేష్ తెలిపాడు. రజనీకాంత్ కెరియర్ లోనే సరికొత్తగా వస్తున్న ఈ సినిమాని లీడింగ్ ప్రొడక్షన్ హౌస్ లైకా ప్రొడక్షన్స్ నిర్మిస్తుండగా మ్యూజిక్ అనిరుద్ రవిచందర్ అందిస్తున్నారు. శివ కార్తికేయన్ ఈ సినిమాలో కీలక పాత్రలో నటించబోతున్నారు. ఈ మధ్యనే ఒక ఇంటర్వ్యూలో పాల్గొన్న లోకేష్ తలైవర్ 171 గురించి మాట్లాడుతూ ఈ సినిమా నాకు ఎంతో ప్రత్యేకమైనది.
షూటింగ్ మొదలుపెట్టడానికి, ప్రీ ప్రొడక్షన్ వర్క్ పూర్తి చేయడానికి కొంత సమయం పడుతుంది. జూన్ లో ఈ చిత్రం సెట్స్ మీదికి వెళ్లే అవకాశాలు ఉన్నాయి. ఏడాదిన్నరలో ఈ సినిమా పూర్తి చేస్తానని చెప్పుకొచ్చారు. తలైవర్ 171 వస్తున్న మూవీకి లోకేష్ కనగరాజ్ డైరెక్టర్ కావడంతో ఈ సినిమా కోసం ఈగర్ గా వెయిట్ చేస్తున్నారు రజినీకాంత్ అండ్ లోకేష్ కనగరాజ్ ఫ్యాన్స్.
#Thalaivar171TitleReveal on April 22 🔥 pic.twitter.com/ekXFdnjNhD
— Lokesh Kanagaraj (@Dir_Lokesh) March 28, 2024
Read More: బన్నీకి దక్కిన అరుదైన గౌరవం.. ఈరోజు చాలా ప్రత్యేకమైనదంటూ ఎమోషనల్ ట్వీట్!